2014, മാർച്ച് 30, ഞായറാഴ്‌ച

സ്വപ്നങ്ങളുടെ കൂട്ടുകാരന്‍...............


സ്വപ്നങ്ങളുടെ  കൂട്ടുകാരന്‍ മറ്റാരുമല്ല ,

മുന്‍ മന്ത്രിയുടെ മകന്‍

ഇപ്പോള്‍ മന്ത്രി

സാമൂഹ്യ പ്രവര്‍ത്തകന്‍

എഴുത്തുകാരന്‍

ഡോക്ടര്‍

ചിത്രകാരന്‍

കാര്‍ട്ടൂണിസ്റ്റ്

ഗായകന്‍

ചാനല്‍ മേധാവി

10000 പുസ്തകങ്ങള്‍ വായിച്ചു തീര്‍ത്ത ബിബിളിയോ ഫിലെ

വിശേഷണങ്ങള്‍ ഒരുപാടുള്ള ഡോ: എം . കെ . മുനീര്‍ .



അദ്ദേഹത്തിന്‍റെ മൂന്നാമത്തെ പുസ്തകമായ “അനുഭവം ഓര്‍മ യാത്ര “ യിലെ ഒന്നാമത്തെ അദ്ധ്യായം – “ഒരു ചാനല്‍ ചരിത്രം” .

കേരളത്തിലെ വ്യവസായി ആവാനുള്ള സ്വപ്നവും പേറി നടക്കുന്ന യുവ തലമുറക്കൊരു വഴികാട്ടിയാണ്.

വെറും 14 പേജില്‍ എഴുതി തീര്‍ത്ത ഈ അനുഭവ സാക്ഷ്യം ബിസിനസ് മാനേജ്മെന്റിലെ ഒരു മാതൃകാ പഠനം തന്നെയാണ്.

അമേരിക്കന്‍ എഴുത്തുകാരന്‍ എല്‍ബെര്‍ട്ട് ഹബ്ബാര്‍ഡിന്‍റെ വാക്കുകളിലൂടെയാണ് ലേഖനം തുടങ്ങുന്നത് .

The idea that is not dangerous is not worthy of being called an idea at all

“ കുട്ടിക്കാലം മുതലേ സ്വപ്നങ്ങളുടെ കൂട്ടുകാരനായിരുന്നു ഞാന്‍ ആകാശപതംഗങ്ങള്‍ക്കപ്പുറം പ്രകാശവേഗത്തില്‍ തുളച്ചു കയറിയ കനവുകളാല്‍ ഞാന്‍ എന്‍റെ ബാല്യവും ,കൌമാരവും, യൗവ്വനവും, നിറച്ചു വച്ചു.ഇന്നിപ്പോള്‍ ജീവിതത്തിന്‍റെ വിവിധ വേഷങ്ങള്‍ ആടിയിട്ടും സ്വപ്നം കാണുന്ന മനസ്സ് മാത്രം എനിക്കൊരിക്കലും കൈമോശം വന്നില്ല.”

അത്തരം ഒരുപാടു സ്വപ്നങ്ങളുടെ ഉല്പന്നമാണ് ഇന്ന് കാണുന്ന വാര്‍ത്താ  ചാനല്‍  “ഇന്ത്യ വിഷന്‍ “

അസാധ്യമെന്നു കരുതുന്ന ചില സങ്കല്‍പ്പങ്ങള്‍ക്ക് പുറകെ ഇറങ്ങി തിരിക്കുന്നവര്‍ അറിഞ്ഞു വെക്കെണ്ട കാര്യങ്ങള്‍ ഒട്ടും കാപട്യമില്ലാതെ, മനസ്സും ഹൃദയവും തുറന്നെഴുതുകയാണ് ശ്രീ . എം. കെ . മുനീര്‍.

ഏഷ്യാനെറ്റ്‌ ശശികുമാറിന്‍റെ അതിരുകളില്ലാത്ത ബുദ്ധിയും ഊര്‍ജ്ജവും ,മാധവന്‍റെ ധനകാര്യ പാടവവും, റെജി മേനോന്‍റെ മനസ്സുറപ്പും മുനീറിനെ ആവേശ ഭരിതനാക്കി.

പിന്നെ സീ ചാനല്‍ ഉടമ സുഭാഷ്‌ ചന്ദ്രയെപോലെ ഒരു സാറ്റലൈറ്റ് വിക്ഷേപിക്കുകയെന്ന ഭീമമായ സ്വപ്നവും മുനീറിന്‍റെ ഇന്ത്യ വിഷന്‍ യാത്രകള്‍ക്ക് തണലായി.

 കെ. എസ്‌.ഐ.ഡി.സി.യുടെ വായ്പക്കായി ശ്രീ. അമിതാഭ് കാന്തിനെ സമീപിക്കുന്നു.

“ മുനീര്‍, കയ്യില്‍ എത്ര പണമുണ്ട് ?  “ എന്ന അദ്ദേഹത്തിന്‍റെ ചോദ്യം .
പോക്കറ്റില്‍ തപ്പിയപ്പോള്‍ 175 രൂപ.

ഡബ്ലിയു. ജെ . കാമറൂണിന്‍റെ  വാക്കുകള്‍ മനസ്സില്‍ ഓര്‍ത്തു മടങ്ങുന്നു.
Money never starts an idea. It is idea that starts the money
യാത്ര മുന്നോട്ട് തന്നെ ..............

സുഹൃത്തുക്കള്‍ ആയ സുരേഷ് മണിമലയും , ജമാലും ,ശ്രീപ്രകാശും, മുനീറും ചേര്‍ന്ന് “ സീ ടെല്‍ “ എന്ന കമ്പനി രൂപീകരിക്കുന്നതോടെ  ഒരു കിറുക്കന്‍ യാത്രയുടെ തുടക്കമാവുന്നു.

മുനീറിന്‍റെ കയ്യിലുള്ള സോണി ഹാന്‍ഡി – ക്യാം ഉപയോഗിച്ച് , പ്രാദേശിക പരിപാടികള്‍  തത്സമയം ക്യാമിലൂടെ  പ്രക്ഷേപണം ചെയ്ത് തന്‍റെ യാത്ര ആരംഭിക്കുന്നു.

പക്ഷെ ഉപഗ്രഹം എന്ന സ്വപ്നം കൈവിടുന്നില്ല.

ജിദ്ദയിലുള്ള ഹസ്സന്‍ ചേളാരിയും, ജെ. എന്‍. യു വിലെ സുഹൃത്ത്‌ ഷാജഹാന്‍ മടമ്പത്തും മുനീറിന്‍റെ സ്വപ്നങ്ങള്‍ക്കും ചര്‍ച്ചകള്‍കും കൂടെനില്‍ക്കുന്നു.

മഹാനായ പാണക്കാട് ശിഹാബലി തങ്ങള്‍ മുസ്ലിം ലീഗിന്‍റെ എന്‍. ഒ. സി. ചാനലിനു നല്‍കുന്നു.

മുനീര്‍ തന്‍റെ അരയാല്‍മരമെന്നും കുളിര് തരുന്ന തണല്‍ വൃക്ഷമെന്നും  വിളിക്കുന്ന ശ്രീ. എം. ടി .വാസുദേവന്‍‌ നായര്‍ “നിങ്ങള്‍ മുന്നോട്ടു പോകു! ഞാന്‍ കൂടെയുണ്ട് “ എന്ന് പറഞ്ഞപ്പോള്‍ മുനീറിന്‍റെ ആത്മ ധൈര്യം ഇരട്ടിക്കുന്നു.

96 കോടി രൂപയാണ് പ്രൈസ് വാട്ടര്‍ ഹൌസ് ചാനലിന്‍റെ തുടക്കത്തിനു കണക്കു കൂട്ടിയത്.

പിന്നീട് യാത്രകളായിരുന്നു. മൂലധനം സ്വരൂപിക്കാനുള്ള ഗള്‍ഫ്‌ യാത്രകള്‍.
മുസ്ലിം ലീഗിന്‍റെ പേരില്‍ തട്ടിപ്പ് നടത്തുന്നു എന്ന ആരോപണങ്ങളുമായി ചിലര്‍ .

ചാനല്‍ തുടങ്ങുന്നത് മതപരമായി ശരിയാണോ എന്ന് ചോദിച്ച് ചില മതഭ്രാന്തന്മാര്‍ .

അങ്ങനെ , കല്ലും മുള്ളും  നിറഞ്ഞ വഴിയിലൂടെ യാത്ര.

ചരിത്രമുറങ്ങുന്ന ഗുഹകളിലൂടെ ,പാലങ്ങള്‍ തകര്‍ന്ന പുഴകളിലൂടെ ,മണലാരണ്യങ്ങള്‍ താണ്ടി, സൂര്യതാപത്തില്‍ വലഞ്ഞു......

അല്‍കോബാര്‍ , ദമാം , റിയാദ് ജിസാന്‍ , ഖമീസ് ,മുഷയിത്....

അങ്ങനെ രോഗങ്ങളുടെ തുടക്കം  -  പ്രമേഹരോഗി.

“മരുഭൂമിയില്‍ ചോര വിയര്‍പ്പാക്കിയവര്‍ എന്നെ ഏല്പ്പിച്ച പണം കണ്ടപ്പോള്‍ അനുവാദമില്ലാത്ത കണ്ണീരലകള്‍ ഓളം വെട്ടി”- മുനീര്‍ തുടരുന്നു.

ആദ്യത്തെ ഡിജിറ്റല്‍ ടെക്നോളജിയുമായി  ഇന്ത്യാ – വിഷന്‍ എര്‍ത്ത് സ്റ്റേഷന്‍ കൊച്ചിയില്‍ സ്ഥാപിതമാവുന്നു.

അയിടക്ക് ഓഹരിക്കാരെ വഞ്ചിച്ചെന്ന് ഇന്ത്യന്‍ എക്സ്പ്രസ്സ്‌ വാര്‍ത്ത.
അങ്ങനെ ദുര്‍ഭാഗ്യങ്ങളുടെ ഘോഷയാത്ര .

ബി. ബി. സിയെ അനുകരിച്ച് മലയാളത്തില്‍ ആദ്യമായി സീംലെസ്സ് ന്യൂസ്‌ കോണ്‍സെപ്റ്റ് എന്നാ ചരിത്രം ഇന്ത്യാ – വിഷന്‍റെ പുതിയ മേധാവി എം.വി. നികേഷ് കുമാര്‍ കുറിക്കുന്നു.

ഒ. ബി. വാനുകള്‍ സ്വന്തമാവുന്ന ആദ്യത്തെ മലയാളം ചാനല്‍
അമേരിക്കന്‍ പ്രസിഡന്‍റ് തിരഞ്ഞെടുപ്പില്‍ ഇന്ത്യ – വിഷന്‍ പങ്കാളിയായി .
ബി. ബി. സി. ഇന്ത്യ – വിഷന്‍റെ പേരെടുത്തു പറയുന്നു.

സി. എന്‍ .എന്‍. ചാനല്‍ ഇന്ത്യ-വിഷന്‍റെ സുനാമി ക്ലിപ്പിങ്ങുകള്‍ വിലക്ക് വാങ്ങുന്നു.

അങ്ങനെ നേട്ടങ്ങളുടെ നാളുകള്‍.

ഒപ്പം ശത്രുക്കളുടെ എണ്ണവും വര്‍ദ്ധിക്കുന്നു.

പിതൃശൂന്യന്‍ എന്ന് വിളിച്ചവര്‍ക്ക് പോലും മുനീര്‍ മാപ്പ് നല്‍കുന്നു.

ഉറക്കമില്ലാത്ത രാത്രികള്‍ മുനീറിനെ ഒരു ഇന്‍സോമാനിയ രോഗിയാക്കുന്നു.

താന്‍ പോലുമറിയാതെ ഇന്ത്യാ- വിഷനില്‍ വന്ന രജീനയുടെ വെളിപ്പെടുത്തലുകള്‍ കൂടിയായപ്പോള്‍ മുനീര്‍ തളര്‍ന്നു.

പരാധീനതകള്‍ അവസാനിക്കുന്നില്ല.

തായ്‌ കോമിന്‍റെ ട്രന്‍സ്പോണ്ടര്‍ റദ്ദുചെയ്യുന്നു.

മുനീറും, ഭാര്യയും  ,മക്കളും, ശൂന്യമായ ഇന്ത്യാ- വിഷന്‍ സ്ക്രീനിലേക്ക് കണ്ണും നട്ടിരിക്കുന്ന ദിനങ്ങള്‍ .

ബന്ധുവായ ഇബ്രാഹിം ഹാജി അല്പം പണം തായ്‌ലാന്‍ഡില്‍ എത്തിച്ചതോടെ പ്രശ്നങ്ങള്‍ക്ക് താല്‍കാലിക വിരാമം.

പക്ഷെ, പിന്നെ കേസുകളുടെ പിറകെ കേസുകള്‍.

ഉമ്മ കൈനീട്ടം തന്ന 10 , 000 രൂപയാണ് മുനീര്‍ എടുത്ത ഷെയര്‍.

വക്കീല്‍ നോട്ടീസുകളുടെയും വിജിലന്‍സ്‌ അന്വേഷണങ്ങളുടെയും കരിപുരണ്ട ദിനങ്ങള്‍, വണ്ടി ചെക്കുകള്‍ .

വണ്ടി ചെക്കുകള്‍ വഞ്ചനയുടെ കടലാസടയാളങ്ങളാണ്.പക്ഷെ അതിനു നിസ്സഹായതയുടെയും , ദൈന്യതയുടെയും , അര്‍ത്ഥതലമുണ്ടെന്ന് ഞാന്‍ തിരിച്ചറിഞ്ഞു.ഓരോ വണ്ടിചെക്കിലും ആശ്രയമറ്റ്പോയ ജീവിതം ഒളിഞ്ഞു കിടക്കുന്നു.......മുനീര്‍ എഴുതി.

 “വിയര്‍പ്പിന്‍റെ ഓഹരി“ എന്ന തലക്കെട്ടില്‍  മുനീര്‍ എഴുതിയ വരികള്‍ ഹൃദയഭേദകമാണ്‌.

ഏ. ജി. എം. കൂടി എനിക്ക് സ്വെറ്റ് ഇക്വിറ്റി യായി 8 കോടി രൂപ തരാന്‍ തീരുമാനിക്കുന്നു.

എന്‍റെ വിയര്‍പ്പിന്‍റെ ഓഹരി ; ഞാന്‍ ഈ നിമിഷം വരെ സ്വീകരിച്ചിട്ടില്ല.

എത്ര കോടി കിട്ടിയാലാണ് എന്‍റെ നഷ്ട്ടങ്ങള്‍ക്കു പരിഹാരമാവുക ?
എന്‍റെ ശരീരത്തിലെ തകര്‍ക്കപ്പെട്ട കോശങ്ങള്‍ ആര്‍ക്കു പുനര്‍നിര്‍മ്മിക്കാനാവും ?

ഏതു മറുമരുന്നാണ് നിങ്ങള്‍ പറഞ്ഞു തരിക ?

എന്‍റെ കുടുംബം അനുഭവിച്ച വേദനകള്‍ ആര് തിരിച്ചെടുക്കും ?
കോഴിക്കോടുള്ള വീടും , കാറും വരെ പണയപ്പെടുത്തുമ്പോഴും 8 കോടി കയ്യിലുണ്ടെന്ന് പറഞ്ഞ സമൂഹത്തിനും മുനീറ് പതിവുപോലെ മാപ്പ് നല്‍കുന്നു.പുന്നാരമോന്‍ ചാനല്‍ തുടങ്ങിയപ്പോള്‍ ആറ്റുനോറ്റ് വെച്ച സമ്പാദ്യത്തില്‍ ഒരോഹരി നല്‍കിയ ഉമ്മക്കുപോലും കണ്ണീരു മാത്രമേ  മുനീറിന് മടക്കി നല്‍കാനായുള്ളൂ .

ഇന്ത്യ – വിഷന്‍റെ ലോഗോ പ്രകാശനചടങ്ങില്‍ മുനീറിനരികിലിരുന്ന ഉമ്മയേയും, പെങ്ങളേയും തന്‍റെ ശത്രുവായ ബോര്‍ഡ്‌ മെമ്പര്‍ പിന്‍നിരയിലേക്ക് തള്ളി മാറ്റിയപ്പോഴും മുനീറിന്‍റെ മനസ്സ് മാപ്പ് നല്‍കി.
പക്ഷെ , സ്വപ്നങ്ങള്‍ക്ക് അന്ത്യമില്ല.

മുനീര്‍ തന്‍റെ ചാനല്‍ ചരിത്രം ഇങ്ങനെ അവസാനിപ്പിക്കുന്നു.
കാലങ്ങളും, കാതങ്ങളുമായി സ്വപ്‌നങ്ങള്‍ എന്‍റെ ഒപ്പമുണ്ടായിരുന്നു.
ഇപ്പോള്‍ മെല്ലെ മനസ്സിന്‍റെ ഉള്‍കോണിലെവിടെയോ നേരിയ ഒരുഭയം എന്നെ വന്നു മൂടുന്നുവോ ?വഴിയിലെവിടെയോ പുതിയ സ്വപ്നങ്ങളുടെ കൂട്ട് എനിക്ക് കൈമോശം വന്നിരിക്കുന്നു.

പക്ഷെ , ഹെന്‍റി വാര്‍ഡ്‌ ബീച്ചര്‍ പറഞ്ഞത് “ എളുപ്പത്തില്‍ നേടുന്ന വിജയങ്ങള്‍ നിസ്സാരമാണ്‌. പോരാട്ടത്തിലൂടെ  അത് നേടുമ്പോള്‍ മൂല്യമുള്ളതാകുന്നു.”

വഴിയോരങ്ങള്‍ എന്‍റെ നേരെ കൈവീശുന്നു.എങ്കിലും ഞാന്‍ മനസ്സിനോട് പറയുന്നു “ കാത്തിരിക്കുന്നവനിലേക്ക് വൈകിയാണെങ്കിലും , നീതിയും അവനെ തേടി വരും . അതുകൊണ്ട് തന്നെ ഞാന്‍ എന്‍റെ സ്വപ്നവും , ഊര്‍ജ്ജവും , എന്നില്‍ തന്നെ സൂക്ഷിക്കുന്നു.”

Some one may have stolen your dream
when it was young And fresh
And you were innocent
Anger is natural
Grief is appropriate
Healing is mandatory
Restoration is possible!

                        Jane reubitta 

10 അഭിപ്രായങ്ങൾ:

JM പറഞ്ഞു...

Credible compilation of well known as well as diverse facts about a talented and prominent personality!!! Well written.
JM

അജ്ഞാതന്‍ പറഞ്ഞു...

Good article about such a multi faceted man.
Nisha Marar

അജ്ഞാതന്‍ പറഞ്ഞു...

Very nicely written.
Jaleel

അജ്ഞാതന്‍ പറഞ്ഞു...

What a man! And what a lovely blog!
Proud to be from Calicut!!
Sangeeta Sudesh Kumar

അജ്ഞാതന്‍ പറഞ്ഞു...

Awesome! Shows how well read you are, your observation powers and the research behind this article.
Jayarajan

അജ്ഞാതന്‍ പറഞ്ഞു...

So nice to read about such a talented man. Thanks for sharing.
Manoj K V

അജ്ഞാതന്‍ പറഞ്ഞു...

Very interesting read.
Smitha Rajeev Kalambath

അജ്ഞാതന്‍ പറഞ്ഞു...

I am sure people will know the intellectual qualities of Dr. M K Muneer more than a minister not many of them know about that..I guess.... through this write up they'll know.... its classy...please mail Dr.Muneer the link
Joby Jose

അജ്ഞാതന്‍ പറഞ്ഞു...

Very well written Sanu. Though I also belong to Calicut, i did not know so many facets of Dr. Muneer and i am sure not many do either. Interesting read!
Ramachandran K R

VS പറഞ്ഞു...

very much touching and inspiring...